أجرى الحوار: ثريا نادر

عشق وحب الفن هو بوابة النجاح لأي شخص كثير من الأشخاص نجحوا ووصلوا للعالمية لمجرد الإتقان والإيمان بحلمهم وسعي ورائه ،دون النظر إلي الصعوبات والظروف أو الضغوطات التي تمارس ضدهم ،وهو مافعله الطالب المصري في مجال الرسم وإستطاع أن يصل إلي موهبته ويتحدي كل الظروف

اسراء الهادي ، تخرجت من كليه “تربيه بنات” قسم علم نفس ، تقيم بمحافظه القليوبيه بمركز قليوب ، منذ صغرها و هي تمتلك موهبه الرسم من نوع خاص و طريقه مختلفه و مبتكره ، حيث ابدعت “اسراء” في تصميم صور و تحويل بقايا الطعام الي لوحات فنيه ، وتقوم بتشكيل ورسم أشخاص فنيه و رياضيه و كرتونيه و أشخاص آخري عن طريق القهوه و الشاي و النسكافيه.

حدثيني عن نفسك؟

_انا إسراء حسنين 27سنهم تخرجه من كليه تربيه علم نفس مش بشتغل بمجالي بس حاليا بوظفو ف رسمي رسمي فريد من نوعه شويه لان برسم بجميع انواع الاكل والمشروبات مع دمجي لنوع الرسم دا بالتصوير وطلعت نوع فن جديد متعملش قبل كدا بس وبسبب دا.

وبفضل ربنا طلعت في اكتر من قناه منها mbcمصر وال Neil culture وال DMC في برنامج السفره عزيزه وال Neil family وصدي البلد في برنامج Inbox و تقرير وبث مباشر في موقع صدى البلد نفسه وتقرير علي القاهره 24 ومداخله ف قناه الشمس وتقرير ف جريده اخبار اليوم نفسها رحت هناك وتم استضافتي ف قناه Ten تقرير في اليوم السابع ف المقر نفسه وتقرير نزل ف قناه العربيه نيوز وطلعت لايف ف جريده الوطن

وغير الجرايد منهم اليوم السابع والدستور والوطن ومنصه كلمتنا والاهرام الانجليزيه وصحيفه هن وصحيفه المجال وصحيفه واحده جديده واتكتب عني مقال مقال تاني ف اليوم السابع بعنوان فخر مصر و مقال في جريده الاهرام الاخباريه ومقال ف صدى البلد ومقال في جريده الطريق وظهوري في اول جريده ورقيه جريده الاخبار الصفحه التانيه واتكتب عني مقال تآني في صدى البلد عن رسمه معالم مصر .

ومقال ف جريده آصاله وطن وتاني ظهور ليا ف جريده ورقيه ف جريده البوابه نيوز الصفحه الاخيره واتكتب عني في جريده الوطن وكمان مقال تالت في صدى البلد عن مجسم الحرم المكي وغيرهم كتير وبامر الله أكثر بكثير ف الايام الجايه

وغير المعترض اللي  شاركت فيها شاركت في  اربع معارض و رسوماتي ديما تلاقي إعجاب شديد من الحاضرين ومنهم ضيوف الشرف استاذه مادلين طبر واستاذ بينيامين عادل رسام تشكيلي سابق

كيف اكتشفتي موهبه اعاده تدوير الاكل و الرسم به؟

_بالنسبه للرسم بالاكل بدأت فيه من صغري كان عندي حته اعاده تدوير اي شئ قدامي وبالاخص بواقي الطعام المتبقيه مني كنت احب اعمل بيها أشكال او ازوق الاكل واما ماما لاحظت دا بدأت تجبلي اسكتشات وألوان وتشجعني وف حته أعاده التدوير كنت مثلا أخد اطباق الفلين بتاع الجبنه واعملها برواز أو ازازه دوا اعملها فازه وهكذا بدأت اطور من نفسي ورسمي على مدار سنين تعليمي وكان المدرسين بيدعموني ويشجعوني اما لاحظو موهبتي فضلت اتعلم أنواع كتير من الرسم لحد الجامعه .

عندما  ظهر الرسم الفعلي ب الاكل وكان للأطفال لتشجعيهم ع الاكل وظهور الرسم بالقهوه حبيته جدا بس وقتها مجربتوش فضلت كدا لحد بعد جامعه وبعد ام الكورونا بدأت وقتها اتجهت للتصوير ومن ضمن التصوير عملت حاجه اسمها افكار تصوير ان نعمل حاجات كريتيف وكذا ف رسمت وقتها موتوسيكل بفشار ورسمت وجه شخص ب رز ورسمت كره ارضيه على بسكوته أوريو ورسمت كاميرا ب لبن بودر ورسمت ولد وبنت نازلين من قمر ب البهارات كل دا مكنش ف بالي ان استمر ف المجال اصلا

لحد بدايه السنه عندما  رسمت  رسمه الابراج بالقهوه ولقت إعجاب كبير من ناس كتير جدا وقتها دخلت في شابتر جديد من حياتي وهو الرسم بالاكل والقهوه كلو كان صعب في البدايه بس بدأت أتمكن منه.

حدثيني عن مشاركاتك في المعارض والمسابقات ؟

_شاركت اول معرض في معرض لمسات للفنون الشرقيه شاركت بلوحه ابراج العالم بالقهوه ورسمه الفالنتين ورسمه فاتن حمامه وعمرو الشريف بالنوتيلا واخدت شهاده تكريم على المشاركة

تاني معرض كان ف جريده الاهرام ف قاعه فنون كنت مشاركه بلوحه موناليزا بالنسكافيه ووقتها لاقت إعجاب من ناس كتير وحدا وقتها اوسكار وشهاده تقدير

وتالت مره كان في برج القاهره وشاركت ب رسمه “معالم مصر” السياحيه رسمه بتضم ٣٠ معلم من معالم مصر السياحيه مقاس 70×50 مرسومه بالشاي والقهوه والنسكافيه وكان صيف الشرف استاذه مادلين طبر وعجبتها الرسمه جدا وقتها والرسمه لاقت إعجاب كبير جدا من الحاضرين وقتها خدت درع تكريم وميداليه وشهادتين تقدير

أما رابع مرة والاخير كان برضو في برج القاهره وشاركت برسمه “الي بعد آخر ” كانت الرسمه بتحكي عن عصور مصر القديمه الخمسه مقاس اللوحه 100×70 خدت وقت ومجهود مني جبار وعحبت كل ال حضرو حتي الفنانين المشاركين معايا كان ضيف الشرف استاذه بينامين عادل وأشاد برسمي وطريقته وعجبته جدا وتم تكريم ب اوسكار برج القاهره وشهادتين تقدير.

كيف اكتشفتي موهبه الرسم بالقهوه؟

_بالنسبه الرسم بالقهوة هو ظهر النوع دا من الرسم فوقت منا كنت في ثانوي وقتها انبهرت بيه جدا ازاي حد يرسم بقوه والقهوه متبهدلش الدنيا وازاي طالعه شكلها حلو اوي كدا وحبيته جدا بس وقتها مجربتوش فضلت كدا لحد بعد جامعه لحد ما جت فكره ان ارسم بالقهوه بالصدفه زي ما ذكرت سابقا أن كنت عامله رسمه ابراج العالم كفكره تصوير وقتها لقيت نفسي رحت مكان تاني في حياتي.

كل الناس حبت الرسمه والرسمه لحد الان كل ما تنزل بتاخد ترند عشان كدا هي أقرب الرسومات لقلبي والرسم بالقهوه شخصيا هو بيلمس قلبي اوي وبحبه بيعبر عن شخصيتي وتفكيري لان اللون البني ليه اكتر من درجه وتون وكل واحد بيختار درجه اللون حسب شخصيته وانا يعتبر عبرت عن شخصيتي بدرجات اللون البني الي  بقدر أخرجها واهم حاجه الرسم بالقهوة بالنسبه ليا عامل زي الرحلة أو بمعني اصح المغامره بنتظر من القهوة أنها تاخدني في رحله جديده ف كل رسمة وتتحدي قدرات خيالي فيها.

هل التحقتي بمعهد أو مركز فني لتنميه موهبتك ؟

_تعليم ذاتي كله حتي مش بتفرج علي فيديوهات تعليمية كله تعليم ذاتي واجتهاد شخصي مع نفسي

ما الصعوبات التي واجهتك في مشوارك ؟

_بالنسبه للصعوبات اللي  بواجهها في رسوماتي هي ان الخامه اللي  بستخدمها صعب التعامل معاها سواء قهوه، شاي،نسكافيه، ميه بقدونس، هريسه شطه، وأنواع كتير مختلفه وإن صعب التنبئ بنتيجتها وشكلها بعد ما تنشف فلازم يكون عندي Plan B لأي خامه هستخدما من ضمن الرسومات اللي واجهت فيها صعوبات كتير رسمه أبطال الأولمبياد خدت مني اربع ايام وكانت تحدي بالنسبه ليا ان ارسم ٦ أشخاص وانا لسه بتعلم رسم بورتريهات لكن بسبب الرسمه دي اطلق عليا “فخر مصر” في جريده اليوم السابع.

واستاذه “فريال أشرف” نزلتها عندها ودا شئ يفرحني وايضا رسمه معالم مصر لأنها بتضم ٣٠ معلم من اشهر أثار مصر القديمه والحديثة ومرسرمه بالقهوه والشاي والنسكافيه ورسمه عصور مصر القديمه لان حجمها كبير مقاس70×100 واتعملت ف وقت قياسي خلال 24 ساعهي، ويليهم في الصعوبه رسمه الموناليزا لانها في التقدير العام أصعب رسومات العالم كله وكانت أول محاوله لرسمها ورسمتها بنسكافيه فقط اخدت يومين في التنفيذ وصفحه Nescafe نفسها حبت الرسمه جدا

واخيرا وليس اخرا ماكت تجسيد الحرم المكي دا بالنسبالي صعوبه كبيره لان اول مرا اعمل ماكت وحصل مشاكل ف التنفيذ أجبرتني أعيده آكتر من مرة واخدت وقت كبير مني ١٠ ايام تنفيذ،بس الصعوبه عامه في فكره رسمي كله صعب.

أنا برسم بحاجات مش تقليديه زي الألوان مرة ارسم بشاي وقهوه ونسكافيه ومرة بستخلص اللون من مادته الاوليه وأنا اللي  بصنعه سواء من ميه بقدونس أو رمان أو حتي القهوه والنسكافيه أنا ابتكرت طريقه تحضير خاصه بيهم قبل الرسم او سواء النوتيلا قوام النوتيلا صعب جدا التحكم فيه ومش سهل التعامل معاه ويعتبر عملت منه رسومات كتير بس أشهرهم رسمه عمر الشريف وفاتن حمامه بالنسبه لوقت الرسم عامه بيكون متوقف على حسب نفسيتي انا ممكن اخلص الرسمه في يوم وممكن في اسبوع.

هل لقيتي دعم من الناس  حواليكي؟

_احلي حاجه في مسيرة فني لحد الان هي تشجيع الناس ليا بدايه من اهلي وصحابي لحد المتابعين اللي كل يوم بينوروني بمتابعتهم وتشجيعهم المستميت ليا وان كل ما اقرر اوقف شغل وابعد هما بيكونوا اول داعم ليا واول حد يفضل جمبي لحد ما ارجع تاني هما حقيقي احسن حاجه في حياتي.

ما هدفك في المستقبل؟

_حلمي وهدفي هو الإنتشار ونشر فني ورسمي في العالم من مشرقه لمغربه حلم كبير بس مفيش حاجه كبيره على ربنا كما يقال الحد الوحيد لحلمك هو خيالك وأنا خيالي واسع وبإذن الله هوصل فني للقمه و اللي بتمنى احققه في يوم من الايام ان أثبت نفسي لنفسي قبل العالم وأن أقدر اكفل نفسي بموهبتي معتمدش على حد وافتح معارض ليا في جميع أنحاء العالم وان يتعرض رسمي في أشهر معارض وان افتح وكاله بتضم أغرب انواع المواهب واغرب طرق الرسم واكون أنا الراعي لكل المواهب الناشئه واساعدهم يخرجو فنهم للعالم كله وفي النهايه هقول سأستمر في السعي حتي يمل السعي مني.

لو اسراء الهادي مش رسامه ممكن تبقي اي؟

مبتكره في كل شئ حوليها لاني مش قاصره نفسي علي الرسم بالقهوه بس انا عندي ملكه أن أي حاجه حواليا بحب استخدمها واخليها عمل فني جميل حتي لو طبق فلين بتاع جبنه اعمله برواز أو ازازه مانيكير فاضيه بعملها فازه وتبقا ديكور فأنا بحب الابداع عموما واستخدام قدرات العقل لأقصي المراحل.

بتاخدي وقت قد اي لرسم لوحه؟

على حسب الرسمه والرسم عامه بيكون متوقف على حسب نفسيتي انا ممكن اخلص الرسمه ف يوم وممكن ف اسبوع.

كلمتك الاخيره للجريده؟

حابه اشكر جريده نبض بلدنا جدا علي مساعدتها ليا وأنها هتكون خطوه في أن فني يوصل لاكتر من كدا وبتمني انكم تساعدوا كل المواهب المقدور حقها في البلد.