كتبت: هديه محمد 

تصدرت الفنانة “صفاء جلال” التريند وذلك بعد ظهورها مع الإعلامية “ياسمين عز” في برنامج “كلام الناس” مُصرحة عن خضوعها لعملية جراحية لنحت قوامها بعد زيادة وزنها، وتظهر دائماً بإطلالات محتشمة على الموضة والميكاج الهادئ وهو ما يميزها عن غيرها من الفنانات.

وقالت عن العملية التي أجرتها :-“عملت عملية نحت جسم عشان في فترة كنت تخنت أوي وقابلت دكتور وعملت عملية بعدها سيبت نفسي وتخنت تاني فبعديها عملت كبسولة المعدة عشان ما كلش، لأني كان عندي مشكلة في الأكل بالليل عملت كبسولة المعدة كانت لطيفة معايا عشان كنت محتاجة أنزل 10 أو 15 كيلو وفعلا نزلتهم ودلوقت بكملدايت وبروح الجيم”.

وعن سبب العملية والحرص على ظهورها بقوام رشيق ومتناسق اوضحت الفنانة”صفاء”:-“ما أفعله مجهود على أي ست وبالذات اللي عدت 45 لأنها بتبقى عارفة أنها بتبذل مجهود اكتر من بنوتةعندها 20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدا وبحاول على قدما بقدر اوصل لشكل لطيف والناس تتقبله”

بالإضافة إلى أن الفنانة صفاء جلال نشرت مؤخراً صورة لإبنتها بالحجاب ولاقت بعدها هجوم شديد لعدم إرتدائها الحجاب مثل إبنتها وأوضحت”كان عيد ميلاد سلمى بنتي الـ20، فكنت فرحانة، على صفحتي الخاصة بتاعتي بقولها كل سنة وانت طيبة وأمورتي الحلوة بقت حلوة”.

والجدير بالذكر أنها اختتمت قولها :-“ودخلت الناس كل سنة وانتو طيبين، وبعدين فجأة تحول لهجوم عنيف جدا عليا، شديد اللهجة، اتقي ربنا، اتعلمي الأخلاق من بنتك، ده أنت رجلك والقبر، فلاقيت الناس برضه بترد، الحمد لله”.