كتبت: ثريا نادر

شاركت الاعلاميه سالي عبد السلام صوره برفقه زوجها من حفل زفافها منذ دقائق علي حسابها الخاص “انستجرام”.

معلقه عليها قائله:”الحمدلله الذي بنعمته تتم الصالحات…مشاء الله اللهم بارك…لما يتقالي مصر كلها فرحنالك ده رزق … لما الناس دي كلها اللي بحبها تيجي ده رزق … كل واحد عمل شغله بحب في الفرح ده رزق…أن يتقالي قفلتي الجيزه كلها و مفيش مكان في باركينج الاوتيل الناس بتركن برا صف تالت عشان تجيلكوا ده رزق واحنا اسفين…طول عمري كان نفسي اتجوز ظابط محترم و طيب و بيخدم الناس لله”.

واضافت:”ربنا رزقني بظابط مهندس..مقدم/مؤمن الباز …ابن عمده الشرقيه الحاج سالم حبيبي الله يسعده …صبرنا انا و مؤمن ٣٦ سنه وهو صبر ٤ ايام اكتر …هو أكبر ب ٤ ايام …. كل المعلومات اللي الاخوه الصحفيين كتبوها مش صح…لا رجل اعمال ولا خريج ال AUC…الحمدلله حمدا كثيرا…وبرضه محدش هيصدق عرفنا بعض ازاي…يا طيب يا جدع يا محترم يا خدوم يا ابن الحلال …بحبك في الله يا طيب …ربنا يرزق الكل يارب …ادعولنا محتاجين دعوات كتير اوي..جبرنا بخاطر الكل يارب…أجبر بخاطرنا”.

الجدير بالذكر أن بعض الإعلاميين حرصوا علي حضور حفل الزفاف وتهنئة العروسين، أبرزهم دعاء عامر وريهام إبراهيم وشريف مدكور، وشيريهان أبو الحسن ومنى عراقي وأيمن رشوان والمخرج ميلاد أبي رعد وأحمد سالم وشافكي المنيري ومنى عبد الغني وشريف مدكور وخالد عليش وزوجته وفاطمة مصطفى وحسام الدين حسين وشريف عبد الهادي ومها بهنسي وأحمد حميد والفنانة ريم البارودي والفنانة إيناس علي وأحمد الشناوي ومينا عطا ومحمد سراج.